മംഗളോയ്ഡ് വംശത്തിൽപ്പെട്ട ഒരു ജനവിഭാഗം. ഇവരിൽ ഭൂരിഭാഗവും അധിവസിക്കുന്നത് ഉത്തർപ്രദേശിലെ നൈനിത്താൾ ജില്ലയിലാണ്. ഹിന്ദുമതവിശ്വാസികളായ ഇവർക്ക് നേപ്പാൾ , തിബത്തൻ ജനതകളുമായി ഒട്ടേറെ സാദൃശ്യങ്ങളുണ്ടെന്ന് നരവംശശാസ്ത്രജ്ഞർ പറയുന്നു. നായാട്ട്, മത്സ്യബന്ധനം, കൃഷി, കന്നുകാലിവളർത്തൽ എന്നിവയാണ് പ്രധാന ജീവനോപാധികൾ. തങ്ങൾ രജപുത്രരാണെന്ന് അവകാശപ്പെടുന്ന ഒരു വിഭാഗം ഇവർക്കിടയിലുണ്ട്. ബഹുഭാര്യാത്വവും പുനർവിവാഹവും അംഗീകരിക്കുന്ന ഇവർ മക്കത്തായ സമ്പ്രദായക്കാരാണ്.