കെ. ഭാസ്കരൻ നായർ
കേരള സാഹിത്യ അക്കാദമി പുരസ്കാരം നേടിയ മലയാള എഴുത്തുകാരനായിരുന്നു ഡോ.കെ. ഭാസ്കരൻ നായർ (25 ആഗസ്റ്റ് 1913 - 8 ജൂൺ 1982). സാഹിത്യവിമർശകൻ, ഉപന്യാസകാരൻ,വിദ്യാഭ്യാസ പ്രവർത്തകൻ എന്നീ നിലകളിൽ ശ്രദ്ധേയനായിരുന്നു.
ജീവിതരേഖ[തിരുത്തുക]
ആറന്മുള ഇടയാറന്മുള ഗ്രാമത്തിൽ അയ്ക്കരേത്ത് നാരായണപിള്ളയുടെയും കാർത്ത്യായനി അമ്മയുടെയും മകനായി, 1913 ഓഗസ്റ്റ് 25ന് ജനിച്ചു. ദീർഘനാൾ കോളേജിൽ ജന്തു ശാസ്ത്ര പ്രൊഫസർ ആയിരുന്നു. മലയാളത്തിന്റെ ആദ്യകാല ശാസ്ത്രസാഹിത്യകാരന്മാരിൽ ശ്രദ്ധേയനായിരുന്നു. ചെങ്ങന്നൂർ സ്കൂൾ,തിരുവിതാംകൂർ സർവ്വകലാശാല , മദ്രാസ് സർവകലാശാല എന്നിവടങ്ങളിൽ വിദ്യാഭ്യാസം. ജന്തുശാസ്ത്രത്തിൽ സർവകലാശാലയിൽ ഒന്നാമനായിരുന്നു.കോളേജ് അദ്ധ്യാപകൻ, വിദ്യാഭ്യാസ ഡയറക്ടർ എന്നീ നിലകളിൽ സേവനമനുഷ്ടിച്ചു. അമേരിക്കയിൽ ഗവേഷണം നടത്തി. 1971 ൽ ഫാമിലി പ്ലാനിംഗ് അസോസിയേഷൻ പോപ്പുലേഷൻ എഡ്യൂക്കേഷണൽ ഓഫീസറായി. കേരള സാഹിത്യ അക്കാദമി സെക്രട്ടറിയായിരുന്നു. കേന്ദ്ര സാഹിത്യ അക്കാദമിയുടെ മലയാളം ഉപദേശക സമിതിയിൽ അംഗമായിരുന്നു.
ശാസ്ത്ര സത്യങ്ങൾ സാധാരണക്കാർക്ക് രസകരമായി പറഞ്ഞു കൊടുക്കുന്ന തരത്തിലുള്ളതായിരുന്നു അദ്ദേഹത്തിന്റെ കൃതികൾ.
കൃതികൾ[തിരുത്തുക]
- ആധുനികശാസ്ത്രം
- പരിണാമം
- താരാപഥം
- മാനത്തുകണ്ണി
- ധന്യവാദം
- ശാസ്ത്രത്തിന്റെ ഗതി
- പുതുമയുടെ ലോകം
- കുട്ടികൾക്കായുള്ള പ്രാണിലോകം
- ശാസ്ത്രദീപിക
- പ്രകൃതിപാഠങ്ങൾ
- ദൈവനീതിക്കു ദാക്ഷിണ്യമില്ല
പുരസ്കാരങ്ങൾ[തിരുത്തുക]
- കേരള സാഹിത്യ അക്കാദമി പുരസ്കാരം
അവലംബം[തിരുത്തുക]